MINIMALIST LIVING

සරල මං

සරල වීම පටන් ගන්නේ කොතැනින්ද , මේ පොත ඊට කදිම පිළිතුරකි...

ආරම්භක අවමවාදියෙක් වෙන්න, මේ ජීවනරටාවට පිවිසෙන්න මම කොහොමද මගේ ජිවිතේ සමහර තැන් වෙනස් කරගත්තේ කියලා මගේ අත්දැකීම් ඇසුරෙන් තමයි මේ පොත ලියවිලා තියෙන්නේ.

ගෙදර වැඩ, විභාග, දරුවන්, රැකියාව, පිළිවෙල, මේ දේවල් හැමදේම කොහොමද කරගන්නේ කියලා ගොඩක් අයට හිතාගන්න බැහැ.

�

මට ඔබට දෙන්ත තියෙන සරලම උත්තරය තමයි, මේ හැමදේටම තියෙන එකම විසඳුම අවමවාදී ජීවනරටාව..!

අවමවාදී ජීවිතයකට අකමැති කෙනෙක්ට නම් ඔය ඔක්කොම වැඩ බදාගෙන මහන්සි වෙලා හෙම්බත් වෙලා කොහොමහරි කරගන්න වෙනවා.�

�

නමුත් සරල ජිවිතයකට ඇළුම් කරන කෙනෙක්ට නම් මේ ක්‍රමය එක්ක ඉස්සරහට යන්න, සතුටින් සැනසිල්ලේ ඉන්න පහසුයි.

�

අවමවාදියෙක් විදියට ඔබ ලේබල් ගහගෙන ජීවත් වෙන්න ඕන නැහැ. තමන්ට ඕන තැන් වල අවමවාදී අංග අනුගමනය කරලා සතුටින් සැහැල්ලුවෙන් ඉන්න පුළුවන්.

�

හැකි පමණින් ජිවිතේ එක කොටසක් හෝ තමන්ට පහසු විදියට

තමන්ට උවමනා විදියට සකසා ගත්තම ජිවිතේ හරි පහසුයි, සුන්දරයි වගේම හරි සරලයි…

�

ඉතින්… අපි පොත කියවලාම නැවත හමුවෙමු…

ආදරණීය පාඨක අදහස්

මෙය මට පොතක් පමණක් නොවේ, එය ආශීර්වාදයකි. සාමකාමී සහ ඵලදායී ජීවිතයක් පවත්වා ගැනීමට මෙම පොත මට මඟ පෙන්වයි. අවුල් සහගත ජීවිතයක් ගත කිරීමට කැමති ඕනෑම කෙනෙකුට මෙම පොත උපකාර වනු ඇත. මගේ ජීවිතයේ ඇදහිය නොහැකි වෙනසක් ඇති කළ කුඩා පොතක්. සරල, ඵලදායී සහ සාමකාමී ජීවිතයක් ගත කිරීමට මෙම පොත මා තුළ පෙලඹීමක් ඇති කරයි. මේ පොත කියවීම මට භාවනාවක් වගේ. මෙය මගේ ජීවිතයේ පුදුමාකාර වෙනසක් ඇති කළ සරල ස්වයං උපකාරක පොතකි. මම බොහෝ පොත් කියවා බොහෝ දේ ඉගෙන ගෙන ඇත, නමුත් මෙම කුඩා පොත මගේ ජීවිතය වෙනස් කල බව සම්පූර්ණ ඇත්තක්.

සාමා අවමවාදියෙකි.අඩු ගානේ සාමා හිතා හිටියේ එසේය. තනියෙන්ම අඳුරන කිසිවෙකුත් නැති රටකට අවුරුදු දෙකක ශිෂ්‍යත්වයකට යද්දී දෑවුරුද්දටම ඕනෑ කරන සකලමනාව පැක් කරගත් ලගේජයේ බර කිලෝ දාසයක් පමණක් වූ නිසා, (ඒකෙනුත් කිලෝ දෙකක් විතර තිබුණේ ගෙදරින් එබූ බිස්කට්ය) එහෙම හිතා ගැනීම සාධාරණ වගේය. සාමා "සරල මං" දුටු සැණින් ඕඩර් නොකළේ මං අවමවාදියෙක් නේ යන ඊගෝ එකත් මොනවාට අවමවාදී වුවත් පොත් සම්බන්ධයෙන් එසේ කර ගන්න බැරි වීමෙන් ගෙදර දකින දකින තැන නොකියවූ පොත් කන්දක් ඇති නිසාත්ය. ඒත් පළමු මුද්‍රණය ඉවරයි කියද්දී නම් අපරාදේ වගේ හිතුණි.දෙවෙනි මුද්‍රණය ලෑස්ති වෙද්දීම සාමා පොත ඕඩර් කළාය. සෑහෙන හදිසි වැඩ බහුල දවසක පොත ආවේය.හදිසි වැඩ ඉවර වෙද්දී දවස් දෙක තුනක් ගියෙන් පොත පෙරළුවේ ද ඉන් පස්සේය. පළවෙනි පිටුව කියවද්දීම මහා අවමවාදියාට ඕනෑම දෙයක් යයි සිතාගෙන මිල ගණනුත් සොයා බලා සිටි උපකරණයක් ඇත්තටම ඕනෑදැයි සිතුණේය.විකල්පයක් පෙනුනේය.අත් හදා බැලුවේය,සාර්ථකයි.හත් දාස් පන්සීයක් ඉතිරි වූයේය. පොත එක හුස්මට කියවාගෙන නොගොස් සාමා පිටුවෙන් පිටුව ජීවිතයට බද්ධ කරයි.මේ දවස් වලත් ගන්න හිතෙන එක් එක් දේවල් වලදී මේක නැතුව ජීවත් වෙන්නම බැරිදැයි කිරා බලන ගමන්ය. ඉතිං ඇත්තටම අවමවාදය සාමාට කියා දුන්නාට,ජීවිතේ පැශන් එක පෙන්නා දුන්නාට,ඔක්කෝටම වඩා සාමාගේ ඊගෝ එක බිඳ දැම්මාට "සරල මං"ට,ලියූ අතට,හොඳම හොඳ හිතට දහස් වරක් ස්තූතියි.

සරල වෙන්න උත්සහ ගන්න මට රොනිති අක්කගෙ "සරල මං" පොත ලැබුනේ අද ස්තූතියි අක්කේ ඒ ආදරණීය වචන වලටත් පොඩ්ඩො ඇඳපු ඒ ලස්සන චිත්‍රයටත් ❤ Minimalist කෙනෙක් වෙන්න සරල ජීවිතයක් ගෙවන්න මං තාම ආධුනිකයෙක් 😊 පියවරෙන් පියවර පොත් ලිපි කියවමින් රොනිති අක්කගෙ මඟ පෙන්වීමෙන් හැකි පමණින් ඒ සරලකම අපේ ජීවිත වලට ගේන්න පුලුවන් උනා ඒ පියවරවල් දවසක බෙදාගන්නම් මං වගේම Minimalist කෙනෙක් වෙන්න කැමති අය වෙනුවෙන්. ටිකෙන් ටික නිවසත් අවට පරිසරයත් මගේ හිතත් මගේ සැමියාගේ හිතත් අපේ මේ ජීවිතයත් සරල වෙද්දි ඒ දැනෙන සැනසීම Ronithi අක්කා නිසයි ලැබුනේ ❤ ස්තූතියි අක්කේ 🙏

සරල මං! හරියටම පිටු 72, යි! පෙනුම වගේම සරල යි... ඒත් Ronithi Sardhathilake ගේ පොත කියෙව්ව හැමෝගෙන්ම මට අහන්න ප්‍රශ්නයක් තියෙනවා. මේ පිටු 72 ක පුරාවට කියවෙන රොනිති නංගි ගේ මිනිමලිස්ට් කන්සෙප්ට් එක කියන තරම් ම සරල ද? කතාවට අපි කියනවා "පොතේ කවරේ දිහා බලාගෙන ඇතුල තීරණය කරන්න එපා" කියලා, ඒත් මං ඔබට කියන්නේ පොත එක සැරයක් කියවලාවත් මේ පොත සරලයි කියලා විනිශ්චය කරන්න එපා! මොකද බොහෝ දේ මග ඇරේවී! මං යෝජනා කරනවා, වෙලාව සටහන් කරගෙන පොතේ ඉදිරිපස කවරය දිහා බලාගෙන ඉන්න.... එහෙම බලාගෙන ඉදලා පුළුවන් නම් මේ ප්‍රශ්න දෙකට උත්තර දෙන්න 1. ඔබ කොපමණ වෙලාවක් ඒ දිහා බලාගෙන හිටියා ද? 2. "සරල මං" කියන අකුරු දිහාම බලාගෙන ඉද්දි ඔබ කොහොමද දැක්කේ/ කොහොමද දැනුනේ? දැන් ඔබ පොතේ පිටුපස කවරයේ කායික රෝග විශේෂඥ වෛද්‍ය රොෂාන් පියරත්න මහත්මයා ගේ සටහන කියවන්න! ඔබ එකඟ වෙනවා ද, ඔබට පිට කවරයේ ඉදිරිපස බලාගෙන දැනුන හැඟීම වෛද්‍ය රොෂාන් වචන වලට පෙරලා තියෙන අපුරුව. දැන් ඔබ සූදානම් මේ මහා සාගරයේ කිමිදෙන්න. වරක් කියවා ඇති නම් නැවත පටු වෙරළෙන් මහා සාගරයට පියනගන්න! හිත ඒකාග්‍ර කරගන්නේ කොහොමද කියලා Minimalist Living එකේ නිතරම අහන කෙනෙක් ඉන්නවා නම්, මේ පොතේ කවරය දිහා බලාගෙන ඉන්න... විඳලාම බලන්න! එහෙම නම් තව තවත් සරල මං වෙමින් අපිව දැනුමින් පෝෂණය කරන්න රොනිති නංගීට හැකිවේවායි ආදරෙන් ප්‍රාර්ථනා කරන මං රොනිති නංගි ගේ එරන්දී අක්කා! බුද්ධිකා එරන්දී ජයසිංහ

පොත ඇණවුම් කිරීම

සරල මං පොතෙහි නවතම මුද්‍රණය ඇණවුම් කිරිම සඳහා ඔබේ තොරතුරු ඇතුලත් කර මෙම පෝරමය පුරවා එවන්න.

එහි සඳහන් කරන ලද ඊමෙල් ලිපිනයට හෝ දුරකතන අංකයට ඔබේ සරල මං පිටපත ලබා ගැනිම සඳහා අවශ්‍ය අනෙක් තොරතුරු දින කිහිපයක් ඇතුලත ලැබෙනු ඇති.

"සරල මං" පොත් 2500 කට වැඩි පිටපත් ප්‍රමාණයක් මේ වෙනකොට කියවපු ඔයාලා හැමෝටම ගොඩක් ස්තූතියි...!!