අපි අපේ අනාගතය සඳහා තීරණ සහ සැලසුම් සකස් කළා.ඔහු සෑම විටම සන්සුන්ව හා නිහඬ කෙනෙක්.

මම මොන දේ කීවත් ඒවාට යහපත් ප්‍රතිචාර දක්වමින් කාලයට ඉඩ දී සියල්ල කල හැකි යැයි මාව විශ්වාසයෙන් තැබුවා.

සමහර විට මට එය තේරුම් ගැනීමට නොහැකි අවස්ථා තිබුණා. 

ඒ නිසා මම ඒවා ගැන කෝප වූ අවස්ථා ද බොහෝයි. නමුත් ඔහු හැමවිටම සන්සුන්, වැඩිපුර නිහඬයි.

ලොකු ගෙයක් හදන්න , ලොකුවට ඉන්න , පේන්න ඉන්න ඕනෑ අරයා මෙයා කරන විදියට කරන්න ඕනෑ යැයි සිතුණා.

ඒ විදියේ ප්‍රදර්ශන ජීවිතයක් සහ තවත් බොහෝ දේ ලබා ගැනීමට අවශ්‍ය වුණා.

ඒ හැම දෙයක්ම අපිට සාක්ෂාත් කරගන්න පුළුවන් කියලා මගේ හිත කිව්වා සහ එකල අපේ සමාජ තත්ව අනුව වුණත් කල හැකියි.

මම ඉස්සර විවිධ දේවල් එක් රැස් කරන්න හරිම ආසයි.

ඇත්තටම මම කවදාවත් භාවිතා නොකළ දේවල් විශාල ප්‍රමාණයක් මා සතුව තිබුණා!!

සමහර ඇඳුම්, රන් සහ රන් නොවන විසිතුරු අභරණ, පාට පාට කොණ්ඩා පටි, සෙරෙප්පු, කුඩා විසිතුරු භාණ්ඩ සහ තවත් බොහෝ දේ!

කායික දේවල් විතරක් නෙවෙයි මගේ හිතත් අද වගේ නෙවේ, මම උණුසුම් කාන්තාවක්. නිතරම කේන්ති ගන්නවා. හොස්ස ළඟින් මැස්ස යන්න බැරි තරමට.