ලොකු අය දෙන්නයි පොඩි එක්කෙනයි.
අපිට මාසික බඩු ලැයිස්තුව හදාගන්න උදව් කරන්න !
ලොකු අය පහයි පොඩි අය දෙන්නයි අපිට මාසෙකට යන වියදම් කොහොම වෙයිද ?
මේ වගේ ගැටළු දිනපතාම නිර්නාමිකව පලකරන්න කියලා ෆේස්බුක් ගෲප් එකට එන නිසා ඒ ගැන පොදු සටහනක් මෙසේ ගේනවා.
පොදු දේවල් ඇරුණාම නිවසින් නිවසට පරිභෝජනය කරන දේවල් වල වෙනස්කම් තියෙන්න පුළුවන් .
(කන බොන දේවල් කැමති අකමැති දේවල් ..
පාවිච්චි කරන බඩු වල සමහර බ්රෑන්ඩ්ස් )මෙන්න මේ වගේ
අලුතින්ම විවාහ වෙලා වෙනම ජීවත් වෙන්න යනවා හෝ තමන්ගේ වියදම් පාලනය කරගන්න ඕනෑ යැයි සිතන කාටත් මේ ක්රමය හොඳයි .
සහල් පරිප්පු වගේ වියළි ආහාර ලැයිස්තුවක් සමඟ දළ වශයෙන් ප්රමාණය සටහන් කරගන්න.
සනීපාරක්ෂක ද්රව්ය , ගිනි පෙට්ටි, ගෑස් ඇතුළු සෑම බඩුවක්ම එලෙස සටහන් කරගන්න.
එළවළු පළතුරු මස් මාලු බිත්තර ආදියත් දළ වශයෙන් සටහන් කරගන්න.
මුලින්ම ගන්නා විට පුළුවන් හැම එකේම කල් ඉකුත් වන දිනය සටහන් කරන ලද ,
පැකට් කල වියළි ආහාර ද්රව්ය මිලට ගන්න.
සාමාන්යයෙන් මම නිශ්පාදිත දිනය සහ ඇසුරුම් දිනය ගැන වඩාත් සැලකිලිමත් . ඒ දෙක පුළුවන් තරම් ළඟ දිනයක් වන බඩු තමයි ගන්නේ. ඒ කියන්නේ අලුත් කියලා අනුමාන කරලා.
එසේ නොමැතිව මිලදී ගැනීම් කලාම ගුල්ලන් ඇවිත් ඉවත් කරන්න පවා සිදුවෙන්නට පුළුවන් .
පරිභෝජනය ආරම්භ කල දා සටහනක් දාගෙන ගෙනා බඩු අවසන් වන දවස ද සටහන් කරගන්න.
ඒ අනුව දින 30කට වගේ උවමනා ප්රමාණය බලාගන්න පුළුවන් .
මාසෙටම නැතුව ඊට අඩුවෙන් යන ප්රමාණය වුණත් මේ විදියට සටහන් කිරීම් තුලින් අවබෝධ කරගන්න පුළුවන් .
මාස දෙකක් වගේ යනකොට අලුතින්ම නිවසක පදිංචි වෙලා / බෝඩිමක හෝ ඉන්නා කෙනෙක්ට වුණත් පුළුවන් තමන්ට හෝ පවුලට උවමනා බඩු සහ ඒවායේ ප්රමාණ ගැන හරි අවබෝධයක් ගන්න.
ඊළඟට ඔබේ ආදායම අනුව ඔබේ බඩු ලැයිස්තුව පිළිවෙලකට සකස් කරගන්න.
බඩු ගන්නේ තොග බඩු කඩයෙන් සුපර්මාර්කට් එකෙන් , ෆාම් ශොප් එකෙන් ආදී මේ විදියට ගන්න තැනත් බඩු එක්කම සටහන් කරන්න .
සමහර දේවල් හැම මාසයේම ගන්න වෙන්නෙත් නැහැ .
ඒ වෙනුවට වෙනත් දෙයක් ගන්න හෝ අවශ්යතාවය නැත්තම් යමක් නොගෙන බඩු ලැයිස්තුවේ මිල අඩු කරගන්නත් පුළුවන් .
ඔයාලගෙ වටිනා අදහස් එකතු කරන්න .