කාලයක් තිස්සේ කෙනෙක් ආසාවෙන් එකතු කල දේවල් කාගෙහරි කීමකට නැත්නම් බලෙන්ම ඉවත් කරන්න වුණොත් අවසානේ හිතේ මිනිමලිස්ම් තමයි නැතිවෙලා යන්නේ….
දවසක සිදුවූ පොඩි සිදුවීමක් එක්ක මේ ගැන ලියන්න හිතුණේ , minimalism කියන්නේ decluttering වලට එහා ගියපු ලොකු දෙයක් නිසා.
ඉවත් කිරීම හොඳයි , අපහසු නම් අකමැති නම් !!
නමුත් ආසාවෙන්ම තියෙන එකතුවක්
ඒ කියන්නේ පොත් වෙන්න පුළුවන් , කෑම ව්යාපාරයක් කරන කෙනෙක්ට නැත්නම් විනෝදාශයක් විදියට කෑම හදන කෙනෙක්ට තියෙන මුලුතැන්ගෙයි විවිධ උපකරණ වෙන්න පුළුවන් , කෑම පිළිගන්වන බඳුන් වෙන්න පුළුවන්
මේ කුමක් වුණත්
කැමැත්තෙන් නම් ඒවා තියෙන්නේ ඉවත් කලාට පස්සේ සතුටත් පලා යනවා නම් එතන ඇති අවමවාදී බවක් නැහැ!
අවමවාදී වීම කියන්නේ තමන්ගේ උවමනා එපා කම් හරිහැටිම අවබෝධ කරගෙන , කැමති දේවල් එක්ක සතුටින් ජීවත් වෙන අතරේ අනවශ්ය දේවල් තිබේ නම් ඉවත් කිරීම.
ඒ ඉවත් කිරීමට
භෞතික වස්තු පමණක්ම නෙවේ,
පුද්ගලයින්, තමන්ගේම සිතුවිලි , සිදුවීම් , අවස්ථා , ඩිජිටල් ඩිවයිස් වලින් එන යෙදුම් ඇතුලු … මේ ඕනම එකක් අයිතියි.
ආරම්භක අවධියේ මේ ගැන සිතන කෙනෙක් , minimalism කියන්නේ ඉවත් කිරීම් ය කියලා සිතුවොත් එතනින්ම ඒක එපා වෙලා යන්න පුළුවන් . ඊට එහා ගිය බොහෝ වටිනාකම් මේ සංකල්පය ඔස්සේ යන කෙනෙක්ට දැනගන්න, ඉගෙන ගන්න , අත් හදා බලන්න හැකි වෙනවා.
මෙහි හැබෑම අවශ්යතාව හඳුනාගත් කෙනෙක්ට තමයි මේ මාවත දිගේ විවිධ දේවල් සොය සොයා ඉස්සරහට යන්න හිතෙන්නේ.
කාගෙවත් කීමකට නොවේ,
ඔබේ කැමැත්ත , ඔබේ තීරණය කරගන්න . එතකොට ජීවිතය හරි සන්සුන් සැනසිලිදායකයි ✌️
පින්තූරය – හිස් මුලුතැන්ගෙය